Muli po ay nanawagan po tayo ng donasyon upang makatugon sa mga pangunahing pangangailangan ng mga pamilyang lubhang naapektuhan ng labis na pagbaha sa lalawaigan ng Cagayan. Tayo po ay nagnanais makapagbahagi ng mga agarang tulong gaya ng mga bigas pagkain at gamot. Makikita sa larawan sa ibaba ang mga donation option kung saan maaring magpadala ng financial support. Matapos manalasa ng Bagyong Egay nitong Linggo, muli na naman nakaranas ng malawakang pagbaha ng mga kababayan natin mula sa lalawigan ng Cagayan. Marami sa mga bahay ay nalubog sa lagpas-taong baha kung saan may mga pamilyang sa bubong nananatili upang mailikas ang kanilang mga gamit. Maraming kabuhayan at mga ari-arian ang napinsala kaya't malaking bagay ang anumang tulong na maari nating ma-ipaabot sa ating sama-samang pagtutulungan. Maraming salamat po
